Պարտություն՝ վատագույն արդյունքով և սպասված հաղթանակ. ընտրություններ՝ Բունդեսթագում
Նախնական պաշտոնական տվյալներով՝ Ֆրիդրիխ Մերցի գլխավորած ՔԴՄ/ՔՍՄ դաշինքը, ինչպես և սպասվում էր, հաղթել է Գերմանիայի Բունդեսթագի ընտրություններում։ Երկրորդ տեղում է աջ պոպուլիստական «Այլընտրանք Գերմանիայի համար» կուսակցությունը՝ հասնելով իր պատմության լավագույն արդյունքին։ Օլաֆ Շոլցի ձախ կենտրոնամետ Սոցիալ-դեմոկրատական կուսակցությունը (SPD) զբաղեցրել է երրորդ տեղը՝ երբևէ գրանցած վատագույն արդյունքը: Այս մասին գրում է BBC–ի ռուսական ծառայությունը:
Ընտրողների մասնակցությունը կազմել է 84%՝ ամենաբարձրը 1990 թվականից ի վեր։
Հաղթող ՔԴՄ/ՔՍՄ դաշինքի առաջնորդ Ֆրիդրիխ Մերցը կանցլերի պաշտոնի գլխավոր հավակնորդն է։ Սակայն Բունդեսթագում նոր կանցլերի քվեարկությունը տեղի կունենա միայն իշխող կոալիցիայի կազմավորումից հետո։
Մերցը ընտրություններից հետո կուսակցության առաջնորդների բանավեճում ասել է, որ հույս ունի կոալիցիոն կառավարություն կազմել մինչև Զատիկ, կամ ապրիլի 20-ը։
