Ռուսաստանը ունակ է 100%-ով ոչնչացնել ուկրաինական քաղաքները, այդ թվում՝ Կիևը. Թրամփ
Թրամփը ելույթ է ունեցել Մար-ա-Լագոյում Ռիադում ռուս-ամերիկյան բանակցություններից հետո: Առանձնացրել ենք մի քանի հիմնական հայտարարություններ.
Թրամփը նկարագրել է ԱՄՆ-ի և Ռուսաստանի պատվիրակությունների վերջին բանակցությունները որպես «շատ լավ» և հայտարարել, որ դրանցից հետո «շատ ավելի վստահ» է դարձել Ուկրաինայում իրավիճակի կարգավորման գործարքի իրագործման հարցում։
Նա հայտարարեց, որ հիասթափված է Ուկրաինայի դիրքորոշումից Ռուսաստանի հետ հակամարտության համատեքստում. նրանք երեք տարի ժամանակ են ունեցել բանակցությունների սեղանի շուրջ նստելու համար։
Սատարել է Ուկրաինայում ընտրությունների անցկացման անհրաժեշտությունը՝ մատնանշելով բնակչության շրջանում Զելենսկու աջակցության ցածր մակարդակը, որը նվազել է մինչև 4%։
Վստահություն է հայտնել, որ Ռուսաստանը ունակ է «շատ արագ» 100%-ով ոչնչացնել ուկրաինական քաղաքները, այդ թվում՝ Կիևը, բայց չի ցանկանում դա անել։
Նա հայտարարեց, որ Ուկրաինայում խաղաղության հասնելու համար Եվրոպայում ամերիկյան զորքերի ներկայությունը սահմանափակելու անհրաժեշտություն չի տեսնում։
Աջակցել է եվրոպական զորքերի Ուկրաինա մուտքին առանց ամերիկյան զորքերի մասնակցության։
Նա հայտարարեց, որ ԱՄՆ-ն զգալիորեն ավելի շատ է ծախսել Ուկրաինային աջակցելու համար, քան Եվրոպան, և կոչ է արել հավասարեցնել ներդրումները։
