Ուշակովը մանրամասներ է ներկայացրել ռուս–ամերիկյան բանակցություններից
«Շատ լուրջ զրույց էր բոլոր հարցերի շուրջ». ռուսական և ամերիկյան պատվիրակությունների Էր-Ռիադի բանակցություններն ավարտվել են: ՌԴ նախագահի օգնական Ուշակովը մանրամասներ է ներկայացրել 4,5 ժամ տևած բանակցություններից։
«Ռուսաստանի և ԱՄՆ-ի բանակցությունները վատ չեն անցել։ ՌԴ-ն ու ԱՄՆ-ը պայմանավորվել են հաշվի առնել միմյանց շահերը։ Երկու գերտերությունները չեն կարող միմյանց հետ չշփվել։
Առայժմ դժվար է ասել, որ Ռուսաստանն ու ԱՄՆ-ը մերձենում են, բայց այդ մասին սկսել են խոսել։ Դժվար է կոնկրետ ժամկետ նշել Պուտինի և Թրամփի հանդիպման, սակայն դժվար թե այն տեղի ունենա հաջորդ շաբաթ։
Ռուսաստանի և ԱՄՆ-ի բանակցողների առանձին թիմերը կսկսեն շփումները Ուկրաինայի հարցով։ Որոշումը, թե ով կլինի Ուկրաինայի հարցով Ռուսաստանի բանակցային թիմում, կկայացնի Պուտինը, ԱՄՆ-ն դեռ չի նշանակել իր ներկայացուցիչներին»,- հայտնել է նա:
