Զախարովան՝ Լավրովի կատակի մասին
ՌԴ ԱԳ նախարար Սերգեյ Լավրովի կատակը Դանիայի և Գրենլանդիայի մասին, որն արվել է Ուկրաինայի համատեքստում հնարավոր տարածքային զիջումների մասին ամերիկացի լրագրողի հարցին ի պատասխան, ուղղված է Եվրամիության առաջնորդներին: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Դիվանագիտական նուրբ տրոլինգը, որով ՌԴ ԱԳՆ ղեկավարը սկսեց իր պատասխանը, աննկատ չմնաց: CNN-ի թղթակցի՝ Ռուսաստանին Ուկրաինային տարածքային զիջումների մասին հարցին նա հակահարց տվեց.
«Սա տրոլինգ էր ոչ այնքան Ֆրեդերիկին, այլ, ինչպես ինձ թվում է, ԵՄ-ի և նրա որոշ երկրների առաջնորդներին, որոնք ակտիվորեն փորձում են «նստել բանակցությունների սեղանի շուրջ»՝ պաշտպանելու Ուկրաինայի «տարածքային ամբողջականությունը»»,- պարզաբանել է Զախարովան։ Ավելին, ըստ նրա, «պաշտպանում են այն նույն Ուկրաինան, որը ոչ ԵՄ անդամ է, ոչ էլ ՆԱՏՕ-ի անդամ, և ընդհանրապես առնչություն չունի Եվրոպայի, իրական, օրիգինալ եվրոպական արժեքների հետ, ինչպիսիք են մարդասիրությունը, հանդուրժողականությունը, բազմազանությունը»։
Միևնույն ժամանակ, ԵՄ-ի և ՆԱՏՕ-ի իսկական անդամ Դանիան հսկայական խնդիրներ ունի, նշել է դիվանագետը։ «Նրանք փորձում են նրանից գողանալ հսկայական տարածք՝ Գրենլանդիան»,- ընդգծեց նա:
Զախարովան ուշադրություն է հրավիրել այն ամենի վրա, ինչ այժմ կատարվում է դանիական լրատվամիջոցներում, որտեղ ամերիկացիների հայտարարություններն արդեն ոչ միայն խուճապ, այլ իրական ցնցում են առաջացնում։ Այս համատեքստում նա մեջբերեց մի քանի լրատվամիջոցների վերնագրեր:
«Խոսքը «ինչպես դա կարող է լինել» չէ, այլ «երբ» և «որքանով»»,- հայտարարեց ԱԳՆ պաշտոնական ներկայացուցիչը։
Նշենք, որ ավելի վաղ ՌԴ Արտաքին գործերի նախարար Սերգեյ Լավրովը կատակով նշել է Դանիան և Գրենլանդիան՝ հեգնանքով պատասխանելով ուկրաինական հակամարտության կարգավորման փոխզիջումների մասին լրագրողների հարցին։
