Հռոմի պապը՝ Ռուսաստանի և Եվրոպայի մասին. Սևաստյանով
Հռոմի պապ Ֆրանցիսկոսը կարծում է, որ Եվրոպան պետք է մասնակցի Ուկրաինայի հարցով բանակցություններին և սկսի չեղարկել Ռուսաստանի դեմ պատժամիջոցները՝ նորերը սահմանելու փոխարեն: Այս մասին, РИА Новости–ի հետ զրույցում հիշատակելով պոնտիֆիկոսի հետ շփումը, հայտնել է Հին հավատացյալների համաշխարհային միության (ՀՀՄ) ղեկավար Լեոնիդ Սևաստյանովը:
«Ես խոսել եմ Հռոմի պապ Ֆրանցիսկոսի հետ, նա կարծում է, որ Եվրոպան պետք է մասնակցի Ուկրաինայի հարցով բանակցություններին, բայց դա անելու համար պետք է ոչ թե նոր պատժամիջոցներ սահմանի Ռուսաստանի դեմ, այլ սկսի վերացնել Ռուսաստանի դեմ ավելի վաղ սահմանված պատժամիջոցները»,- ասել է Սևաստյանովը։
Նրա խոսքով, ըստ Հռոմի պապի, դա վերաբերում է նաև միջազգային դատարանին, «նախագահ Պուտինին կալանավորելու հրամանը պետք է չեղյալ համարվի»։
«Ռուսաստանցիների՝ Եվրոպա տեղաշարժի սահմանափակումները պետք է վերացվեն: Ռուսաստանի և Եվրոպայի միջև թռիչքները պետք է վերականգնվեն: Պետք է չեղարկվեն պատժամիջոցները երկրի ղեկավարության պաշտոնյաների նկատմամբ: Առանց դրա, Եվրոպայի մասնակցությունը բանակցություններին տեխնիկապես դժվարանում է»,- ասել է նա՝ վերապատմելով պոնտիֆիկոսի կարծիքը:
