Անապայում այրվում է լողափերը մազութից մաքրող կամավորների շտաբը

Հրդեհ է բռնկվել Անապայում լողափերը մազութից մաքրող կամավորների շտաբում, գրում են թելեգրամյան ալիքները՝ հրապարակելով նաև հրդեհից տեսակադրեր:

Ըստ Readovka–ի՝ Անապայի մոտ գտնվող Բլագովեշչենսկայա գյուղում այրվում է «Զենիթի» պանսիոնատը, որտեղ կա բազա կամավորների համար, ովքեր «Վոլգոնեֆտ» տանկերի խորտակումից հետո մազութից մաքրում են լողափերը։ Այրվում են բնակելի հատվածներն ու ճաշասենյակը:

Նախնական տեղեկություններով՝ հրդեհը տարածվել է նաև մարդասիրական օգնություն պարունակող պահեստում։ Դեպքի վայրում աշխատում է 79 հրշեջ-փրկարար և 25 միավոր տեխնիկա։ Նախնական տվյալներով՝ այրվող շենքից 26 մարդ է տարհանվել։