Զինված ավազակային հարձակում Երևանում. կա տուժած
Փետրվարի 12-ին՝ ժամը 18:00-ին, շտապօգնության ենթակայանից ՆԳՆ ոստիկանություն հաղորդում է ստացվել, որ Րաֆֆու փողոցում գլխի վնասվածքով տղամարդ կա։ Այս մասին հայտնել են ՆԳՆ-ից:
«Ըստ նախնական տեղեկությունների՝ տեղի է ունեցել ավազակային հարձակում։ Ոստիկանները փողոցում հայտնաբերել են արնանման հետքեր, գազային ատրճանակի պարկուճներ։ Ձեռնարկվում են միջոցառումներ դեպքի բոլոր հանգամանքները պարզելու ուղղությամբ»,- տեղեկացնում են ՆԳՆ-ից:
Նշվում է, որ գլխուղեղի վնասվածք է ստացել 61-ամյա տղամարդ։
