Ինքնաթիռը բռնկվել է թռիչքի ժամանակ. ԱՄՆ

Հյուսթոնի օդանավակայանում թռիչքի ժամանակ բռնկվել է United Airlines ավիաընկերության ինքնաթիռը։ Այս մասին հայտնում է Fox 26-ը։

Նշվում է, որ ինքնաթիռի անձնակազմը ընդհատել է թռիչքը և տարհանել ուղևորներին։

Ինքնաթիռում եղել է 104 ուղեւոր և անձնակազմի 5 անդամ։ Ոչ ոք չի տուժել։ Ուղևորները Նյու Յորք կտեղափոխվեն մեկ այլ չվերթով։

 Հրդեհը բռնկվել է թևի հատվածում՝ շարժիչի խնդիրների պատճառով։ Դաշնային ավիացիոն վարչությունը հետաքննում է միջադեպի պատճառները։