Արաբ շեյխին կողոպտել են Մերձմոսկվայում
Սաուդյան Արաբիայից շեյխին կողոպտել են Մոսկվայի մարզում տան ցուցադրության ժամանակ: Տունը, որը վաճառում էր նրա կինը, խարդախները գաղտնալսող սարք են տեղադրել: Խաբեբաները նրանից գողացել են 30 միլիոն ռուբլի կամ մոտ 300 հազար դոլար արժողությամբ ժամացույցներ և զարդեր։
Այս մասին հայտնում է Mash Telegram ալիքը։
Նշվում է, որ օտարերկրացին Դուբայից Մերձմոսկվա է եկել կնոջ՝ Նադեժդայի հետ։ Երկրորդ անգամ հաջող ամուսնանալով՝ կինը, նոր ամուսնու հետ մեկնել է Դուբայ ապրելու, որոշելով Ռուբլյովկայում գտնվող իր առանձնատունը վաճառել 400 մլն ռուբլով ( մոտ 4 մլն դոլար)։ Կեղծ փաստաթղթերով, գնորդների անվան տակ նրա տուն են եկել խաբեբաները։ Նրանց հեռանալուց հետո արաբ գործարարի թանկարժեք իրերն անհետացել են։
Նաև, երբ տանտերերը տանը չեն եղել, անհայտ անձը կամ անձինք, կտրել է բոլոր կողպեքները, անջատել անվտանգության համակարգն ու լույսերը։ Ռուս կինը ենթադրում է, որ այս ամենի հետեւում կարող է կանգնած լինել իր նախկին ամուսինը։
