Պաղեստինցիները վերադառնում են Գազայի հատվածի հյուսիս
Պաղեստինցիները սկսել են վերադառնալ Գազայի հատվածի հյուսիսային հատված Իսրայելի և ՀԱՄԱՍ խմբավորման միջև կնքված գործարքի շրջանակներում, որի համաձայն իսրայելական կողմը բացել է անցակետերը։
Իսրայելը թույլ է տվել հազարավոր պաղեստինցիների վերադառնալ իրենց տները՝ ՀԱՄԱՍ-ի՝ իսրայելցի պատանդ կնոջը ազատ արձակելու խոստման դիմաց: Այս շրջանից լայնածավալ տարհանում է տեղի ունեցել պատերազմի առաջին օրերին։
«Հրաշալի զգացողություն է, երբ վերադառնում ես տուն, ընտանիքիդ, հարազատներիդ ու սիրելիներիդ մոտ ու զննում քո տունը, եթե դա դեռ տուն է», — պատմել է Գազայի վերադարձած բնակիչներից մեկը։
Բնակիչների խոսքով՝ փախստականների ճամբարներում այդ լուրը ցնծությամբ են դիմավորել։
