Ոչ ոք չի կարող լինել ուղղաթիռ, կատու կամ շուն. միայն երկու սեռ. Սլովակիայի վարչապետ

Սլովակիայի վարչապետ Ռոբերտ Ֆիցոն հայտնել է, որ մտադիր է իր երկրի Սահմանադրությունում ամրագրել միայն երկու սեռերի՝ արականի և իգականի սեռի ճանաչման դրույթը:

«Ես եկել եմ նախաձեռնությամբ Սահմանադրության մեջ ներառել մի դրույթ, որը փաստելու է, որ Սլովակիան սահմանում է միայն երկու սեռ ՝ տղամարդ և կին։ Նույնը արել է նախագահ Թրամփը: Սա առողջ բանականության վերադարձ է: Մենք չենք կարող կանանցից ու տղամարդկանցից բացի ունենալ ուրիշ մեկը, որը կարծում է, թե ուղղաթիռ է, կատու կամ շուն», - ասել է նա:

Նա ողջունել է ԱՄՆ առաջնորդի ռացիոնալ մոտեցումը և հայտարարել, որ Եվրամիությունը նույնպես պետք է օրինակ վերցնի Սպիտակ տան ղեկավարից՝ անօրինական միգրացիայի դեմ պայքարի ոլորտում:

«Ոչ ոք չի կարող լինել ուղղաթիռ, կարապ, կատու կամ արջ, այլ կլինի տղամարդ կամ կին», - եզրափակել է Ֆիցոն։

Հիշեցնենք, որ իր երդմնակալության ելույթի ընթացքում Թրամփը հայտարարել է, որ ԱՄՆ պաշտոնական քաղաքականությունն այսուհետ միայն երկու սեռերի ՝ արական և իգական սեռի ճանաչումն է: