Ովքեր են իրականացրել Թբիլիսիի հասարակական տրանսպորտի կիբերհարձակումը
Վրաստանի մայրաքաղաքում հասարակական տրանսպորտի վրա կիբերհարձակումն իրականացրել են վրացի հաքերները, որոնք կապված են Anonymous հաքերային խմբի հետ:
X սոցիալական ցանցում արված հայտարարության մեջ խումբը նշել է, որ մի քանի շաբաթ «կիբեռպատերազմ է հայտարարել Վրաստանի անօրինական ռեժիմին, որին աջակցում է Ռուսաստանը»:
Թբիլիսիի հասարակական տրանսպորտի համակարգի վրա երեկվա հարձակումը, ըստ Anonymous-ի, ուղղակի «ուղերձ էր կոռումպացված կառավարությանը, որը կեղծել է ընտրությունները և հաստատել ավտորիտար ռեժիմ»:
Հիշեցնենք, որ հունվարի 24-ին ժամանակավորապես անջատվել էր Թբիլիսիի ավտոբուսների և միկրոավտոբուսների ուղեվարձի վճարման համակարգը, ինչի պատճառով տրանսպորտն ուղևորներին սպասարկում էր անվճար: Պատճառը ենթադրյալ կիբերհարձակումն է, հայտարարել են Թբիլիսիի քաղաքապետարանից:
