«Համաս»-ը ԿԽՄԿ-ին պատանդներ է փոխանցել

Պաղեստինյան ՀԱՄԱՍ շարժումն այսօր Գազայի հատվածում ազատ է արձակել Իսրայելի պաշտպանության բանակի (ՑԱԽԱԼ) 4 կին զինծառայողի: Տեղեկությունը հաստատել է վարչապետ Բենիամին Նեթանյահուի գրասենյակը։

«Իսրայելի կառավարությունը ջերմորեն ողջունում է Իսրայելի պաշտպանության բանակի չորս զինծառայողների վերադարձը։ Նրանց ընտանիքները համապատասխան ծառայությունների կողմից տեղեկացվել են, որ զինծառայողները կրկին միացել են մեր ուժերին», - ասվել է հաղորդագրության մեջ:

Հայտնի է, որ ազատ արձակված պատանդները 2023 թվականի հոկտեմբերի 7-ին Իսրայելի հարավում գտնվող բազաներից մեկից առևանգված կանայք են՝ Լիրի Ալբագ (19), Կարինա Արիև (20), Դանիելա Գիլբոա (20), Նաամա Լևի (20):