Թրամփը այլևս չի խոստանում 24 ժամում վերջ տալ ուկրաինական հակամարտությանը

ԱՄՆ նորընտիր նախագահ Դոնալդ Թրամփն այլևս չի նշում Ուկրաինայում հակամարտությունը 24 ժամվա ընթացքում դադարեցնելու պլանների մասին։ Այս մասին գրել է բրիտանական Financial Times (FT) թերթը։

Հրատարակության աղբյուրներից մեկը դա կապել է այն փաստի հետ, որ Հանրապետականի անցումային թիմը «բառացիորեն տարված է ուժի գաղափարով և ցանկանում է ուժեղ երևալ», և այդ պատճառով ստիպված է վերանայել իր մոտեցումը ուկրաինական հակամարտության նկատմամբ։ Հոդվածում նշվում է, որ այժմ, մասնավորապես, Թրամփը քննարկում է Կիևին աջակցելու շարունակությունը հիմնականում եվրոպական դաշնակիցների միջոցով։

Ավելի վաղ Ուկրաինայի հարցով ԱՄՆ հատուկ ներկայացուցիչ Քիթ Քելլոգը հայտարարել էր, որ թեև ԱՄՆ ընտրված նախագահը ձգտում է հնարավորինս շուտ խաղաղություն հաստատել, սակայն մտադիր չէ Մոսկվային զիջումների գնալ  կարգավորման հարցում, քանի որ «ցանկանում է փրկել Ուկրաինան և նրա ինքնիշխանությունը»:

Երեկ՝ հունվարի 14-ին, ՌԴ ԱԳ նախարար Սերգեյ Լավրովը հայտարարեց, որ Թրամփն առաջին արևմտյան քաղաքական գործիչն էր, ով ընդունեց ՆԱՏՕ-ի սուտը՝ դաշինքը դեպի արևելք չընդլայնելու մասին։ Մեկ շաբաթ առաջ հանրապետականն ասել էր, որ հասկանում է Ռուսաստանի զգացմունքները` ընդդիմանալով Ուկրաինայի մուտքին Հյուսիսատլանտյան դաշինք: