Որքան զբոսաշրջիկ է այցելել Հայաստան մեկ տարում
2024 թվականին Հայաստան է այցելել մոտավորապես 2 մլն 215 հազար զբոսաշրջիկ՝ 2000-3000-ով պակաս անցած տարվա թվից: Այդ մասին 2024 թվականն ամփոփող ասուլիսի ընթացքում հայտնեց ՀՀ էկոնոմիկայի նախարար Գևորգ Պապոյանը:
«Այս տարի ունեցել ենք մոտ 2 մլն 215 հազար զբոսաշրջիկ. սա մոտավորապես 7 տոկոսով անցած տարվա ցուցանիշի նվազում է: Բայց նվազել է փաստացի հիմնականում Ռուսաստանից եկող զբոսաշրջիկների թիվը»,- նշեց Պապոյանը:
Նախարարը միաժամանակ նշեց, որ Հնդկաստանից, ԱՄԷ-ից, Վրաստանից, Իրանից, Ֆրանսիայից, Չինաստանից, Հարավային Կորեայից զբոսաշրջիկների թիվն ավելացել է:
Ըստ Պապոյանի՝ Կառավարությունը շարժվում է իր թիրախին համահունչ, իսկ 2026-ի թիրախն է ունենալ 2,5 մլն զբոսաշրջիկ:
