Կարող է լինել շատ ավելի վատ, քան հիմա է. Թրամփ

Ուկրաինական ճգնաժամը ԱՄՆ ներկայիս նախագահ Ջո Բայդենի ֆիասկոն է, իրավիճակը հղի է հետագա ծայրահեղ լուրջ սրմամբ։ Այս մասին ԱՄՆ նորընտիր նախագահ Դոնալդ Թրամփը հայտարարել է Վեսթ Փալմ Բիչի (Ֆլորիդա) մերձակայքում գտնվող Մար-ա-Լագո կալվածքում կայացած մամուլի ասուլիսում, գրում է РИА Новости–ն:

«Սա Բայդենի ֆիասկո էր»,- ասել է նա՝ մեկնաբանելով Ուկրաինայի շուրջ ստեղծված իրավիճակը։

«Այս բանակցություններում շատ սխալներ են թույլ տրվել: Եվ այն, ինչ ես լսել եմ, Բայդենն այնպես է բանակցել, որ ես ասել եմ. դա կավարտվի պատերազմով: Եվ պարզվեց, որ շատ լուրջ պատերազմ է: Եվ կարող է տեղի ունենալ սրա, այս պատերազմի,  կարող է դառնալ շատ ավելի վատ, քան հիմա է»,- ասել է Թրամփը, որի երդմնակալությունը տեղի կունենա հունվարի 20-ին։