ԵՄ–ում առաջարկել են մասամբ վերացնել Սիրիայի դեմ պատժամիջոցները
Սուրբ Ծննդից ոչ շատ առաջ Գերմանիան պատրաստել և ԵՄ մյուս երկրներին է ներկայացրել երկու փաստաթուղթ, որոնք առաջարկում են Սիրիայի դեմ պատժամիջոցների մասնակի վերացում։ Այս մասին հայտնում է բրիտանական Financial Times թերթը՝ վկայակոչելով աղբյուրներ։
Նրա խոսքով, փաստաթղթերը մանրամասնում են պատժամիջոցների մեղմացման մեխանիզմը՝ սոցիալական հարցերում սիրիական նոր իշխանությունների դրական քայլերի դիմաց՝ ներառյալ փոքրամասնությունների պաշտպանությունը, զենքի չտարածումը և կանանց իրավունքների հարգումը։ Նախատեսվում է նաև վերացնել օդային տրանսպորտի և մասնավոր ակտիվների տեղաշարժի սահմանափակումները։
«ԵՄ-ն կարող է ժամանակավորապես մեղմել պատժամիջոցները, որպեսզի անհրաժեշտության դեպքում դրանք արագ խստացվեն»,– ասել է գերմանացի պաշտոնյան: Զրուցակիցը խոստովանել է, որ պատժամիջոցային ռեժիմի թուլացման հարցում համայնքի երկրների միջև առայժմ կոնսենսուս չկա։
Գերմանիայի ԱԳՆ-ն հրաժարվել է թերթին մեկնաբանություն տալ:
