Ռուսաստանում չեղարկվել է բազմակնության մասին վճիռը

Ռուսաստանի մահմեդականների հոգևոր վարչությունը չեղյալ է հայտարարել «Բազմակնության խնդիրները Ռուսաստանի Դաշնության մուսուլմանական համայնքում» ֆեթվան, որը թույլ էր տալիս մահմեդականներին միանգամից մի քանի կրոնական ամուսնություններ կնքել: Այդ մասին իր Telegram ալիքում հայտնել է խորհրդի նախագահ Շամիլ Ալյաուտդինովը, գրում է Meduza–ն:

Նա պարզաբանել է, որ այս որոշումը կայացվել է գլխավոր դատախազության և ռուսական հանրության արձագանքի հետ կապված։

«Դա Աստծո կամքն է, և Ռուսաստանի Դաշնության մահմեդականների հոգևոր տնօրինության Ուլեմայի խորհուրդը որևէ իմաստ չի տեսնում վեճի մեջ մտնելու համար», - գրել է Ալյաուտդինովը:

Դեկտեմբերի 19-ին Մոսկվայի մուֆթի Իլդար Ալյաուտդինովը հայտարարել էր «Բազմակնության խնդիրները Ռուսաստանի Դաշնության մահմեդական համայնքում» ֆեթվայի ընդունման մասին։ Նա անվանել էր «ամուսնու արդար և հավասար վերաբերմունքը բոլոր կանանց նկատմամբ» մահմեդականների համար միանգամից մի քանի կրոնական ամուսնություններ կնքելու պայման:

Դեկտեմբերի 23-ին ՌԴ գլխավոր դատախազությունը առաջարկ է ներկայացրել՝  Ռուսաստանի մահմեդականների հոգեւոր վարչության կողմից ֆեթվայի պատճառով օրենքի խախտումը վերացնելու մասին։ Գերատեսչությունը հայտարարել է, որ ֆեթվան «հակասում է գործող օրենսդրությանը և պետական ​​ընտանեկան քաղաքականության հիմունքներին՝ ավանդական ռուսական հոգևոր և բարոյական արժեքների պահպանման և ամրապնդման հարցում»։ Դատախազությունը հիշեցրել է, որ Ռուսաստանի Դաշնության Ընտանեկան օրենսգրքի 14-րդ հոդվածը թույլ չի տալիս ամուսնություն մարդկանց միջև, եթե նրանցից առնվազն մեկն արդեն գրանցված այլ ամուսնության մեջ է: