Տրանսպորտի միասնական տոմսային համակարգի կայքը գործարկվել է․ Ավինյան
Երևանի քաղաքապետարանի գործակարգավարական խորհդրակցության ժամանակ ներկայացվել է Երևանի հանրային տրանսպորտի միասնական տոմսային համակարգի transport.yerevan.am կայքը։
«Կարող եք ծանոթանալ նոր տոմսային փաթեթներին, հաշվիչի միջոցով հաշվարկել, թե որն է ձեզ համար լինելու ամենամատչելի տոմսը, հանրային ծառայության համարանիշը մուտքագրելով ստուգել՝ արդյոք ներառված եք արտոնյալ խմբում»,- նշել է քաղաքապետ Տիգրան Ավինյանը։
Նա հիշեցրել է, որ հունվարի 1-ից մայրաքաղաքում անցում է կատարվում տրանսպորտի տոմսային համակարգի բացառապես անկանխիկ վճարման եղանակի։
