Պատասխան կտրվի, երբ անհրաժեշտ լինի. Պեսկով
Ռուսաստանը ուկրաինական զինուժի` Տագանրոգին ուղղված հարվածին կպատասխանի այն ժամանակ և այնպես, ինչպես նպատակահարմար կհամարի: Այս հայտարարությունն արել է ՌԴ նախագահի մամուլի խոսնակ Դմիտրի Պեսկովը։
«Ուզում եմ հիշեցնել Ռուսաստանի Դաշնության պաշտպանության նախարարության աներկբա հայտարարությունը, որն արվել է երեկ։ Դրանում հստակ նշվում է, որ պատասխան կլինի։ Այդ պատասխանը կլինի այն ժամանակ և այնպես, ինչպես դա անհրաժեշտ կհամարվի, բայց, անշուշտ, կլինի»,– ասել Է Պեսկովը՝ պատասխանելով լրագրողների հարցին, թե ինչպես կարձագանքի Ռուսաստանը Ուկրաինայի զինված ուժերի հարձակմանը։
Հիշեցնենք` Ուկրաինական զորքերը հարձակվել են Ռոստովի մարզի Տագանրոգի ռազմական օդանավակայանի վրա 6 ATACMS բալիստիկ հրթիռներով:
