Զելենսկին հայտարարել է ուկրաինական նոր «Ռուտա» հրթիռի հաջող փորձարկումների մասին

Ուկրաինայի զինված ուժերը և երկրի ռազմարդյունաբերական համալիրի ներկայացուցիչները հաջողությամբ փորձարկել են «Ռուտա» նոր հրթիռը։ Այս մասին Վլադիմիր Զելենսկին հայտարարել է Բորիս Պատոնի անվան Ուկրաինայի ազգային մրցանակի շնորհանդեսին։ Նա հրթիռի ոչ մի տեխնիկական բնութագիր չի ներկայացրել։

Ուկրաինայի նախագահը նաև հայտարարել է, որ նոր հեռահար հրթիռ-անօդաչու «Պալյանիցա»-ն` որն առաջին անգամ օգտագործվել է մարտական ​​պայմաններում 2024 թվականի օգոստոսին` մտել է զանգվածային արտադրության մեջ։

««Peklo» անօդաչու հրթիռը հաջողությամբ ավարտել է իր առաջին մարտական ​​օգտագործումը։ Օրերս առաջին խմբաքանակը հանձնել ենք մեր պաշտպանության ուժերին»,- հավելել է Զելենսկին։

Բացի այդ, նա թվարկել է ուկրաինական արտադրության անօդաչու թռչող սարքեր, որոնք Ուկրաինայի զինված ուժերն օգտագործում են Ռուսաստանի դեմ պատերազմում։

«Գոռ» հետախուզական ինքնաթիռը, «Vampire» և «Heavy Shot» գիշերային ռմբակոծիչները, «Kolibri» և «Kamik FPV» անօդաչու սարքերը, «Darts» FPV ինքնաթիռները. այս ամենը ուկրաինական արտադրության է և դրանք ակտիվորեն կիրառվում են և առաջնագծում, և՛ թիկունքում հավելել է Զելենսկին։