Թուրքիան պատրաստ է աջակցել Սիրիային․ Թուրքիայի ԱԳ նախարար

Արտաքին գործերի նախարար Հաքան Ֆիդանը Անկարայում, արտասահմանում հանրապետության դեսպանների ամենամյա կոնֆերանսի բացման ժամանակ, հայտարարել է, որ Թուրքիան պատրաստ է աջակցել Սիրիային անցումային շրջանում։

«Սիրիայում սկսվել է նոր դարաշրջան։ Այժմ անհրաժեշտ է կենտրոնանալ ապագայի վրա եւ հետ չնայել։ Նոր շրջանում մենք ցանկանում ենք Սիրիայում տեսնել երկիր, որտեղ տարբեր էթնիկ եւ կրոնական խմբերը ապրում են խաղաղ՝ օգտագործելով կառավարման ներառական մոտեցումը։ Մենք ցանկանում ենք տեսնել նոր Սիրիա, որը լավ հարաբերություններ կունենա հարեւանների հետ եւ որը խաղաղություն եւ կայունություն կավելացնի մեր տարածաշրջանում։ Մենք պատրաստ ենք անհրաժեշտ աջակցություն ցուցաբերել դրա համար։ Մենք հավատում ենք, որ սիրիացի ժողովուրդը նույնպես կօգտվի այս ոսկե հնարավորությունից»,- ասել է Ֆիդանը։