Սիրիայում դեկտեմբերի 8-ը հայտարարվել է ազգային տոն

Սիրիայի ընդդիմադիր և հեղափոխական ուժերի ազգային կոալիցիան դեկտեմբերի 8-ը՝ զինված ուժերի կողմից Դամասկոսի գրավման օրը, հայտարարել է երկրի ազգային տոն։ Այս մասին գրում է ТАСС–ը:

«Սիրիայի ազգային կոալիցիան դեկտեմբերի 8-ը հայտարարում է Սիրիայում ազգային տոն, քանի որ դա նահատակների և զոհերի հաղթանակի օրն է, ձերբակալվածների, տեղահանվածների և ճնշվածների հաղթանակի օրն է, ճշմարտության և արդարության հաղթանակի օրն է հանցագործության և ճնշման նկատմամբ»,- նշվում է հրապարակված կոմյունիկեում։