Հուսիները հիպերձայնային բալիստիկ հրթիռով հարվածել են Թել Ավիվին
Եմենի «Անսար Ալլահ» շարժումը հայտարարել է Թել Ավիվի տարածքում գտնվող Յաֆֆո շրջանի ուղղությամբ հիպերձայնային հրթիռի կիրառմամբ հարված հասցնելու մասին: Այս մասին Al Massira հեռուստաալիքի եթերում հայտնել է հուսիների ռազմականացված խմբի պաշտոնական ներկայացուցիչ Յահյա Սարիան ։
«Հրթիռային զորքերը իրականացրել են գործողություն՝ գրոհելով կարևոր թիրախ Յաֆֆոյի օկուպացված շրջանում՝ «Պաղեստին-2» հիպերձայնային հրթիռի կիրառմամբ», - հայտարարել է նա հեռուստաեթերի ժամանակ՝ հստակեցնելով, որ արկը հասել է իր նպատակին։
