Հայտնի է` երբ կսկսվի Իսրայել - «Հեզբոլլահ» հրադադարը
Իսրայելի նախարարների կաբինետը հաստատել է «Հեզբոլլահ»-ի հետ հրադադարի ծրագիրը։
Ըստ ծրագրի՝ հրադադարը ուժի մեջ կմտնի չորեքշաբթի տեղական ժամանակով ժամը 10:00-ից, հաղորդում են իսրայելական լրատվամիջոցները:
Ավելի վաղ Իսրայելի վարչապետ Բենիամին Նեթանյահուն հայտարարել էր, որ հրադադարի ժամկետը կախված կլինի «Հեզբոլլահ»-ից։ Նա բացատրել է, որ եթե շարժումը կրկին փորձի հարվածել Իսրայելին և վերականգնի իր սահմանամերձ ենթակառուցվածքները, իսրայելական զինվորականները պատասխան գործողությունների կդիմեն։
