Թուրքիայից անդրադարձել են Էրդողանի վերաբերյալ լուրին
Ուկրաինայում հակամարտության սառեցման վերաբերյալ պաշտոնական Անկարայի նախաձեռնությունների մասին արևմտյան ԶԼՄ-ների տեղեկատվությունը չի համապատասխանում իրականությանը։ Այս մասին ՌԻԱ Նովոստիին հայտնել է Թուրքիայի մայրաքաղաքում դիվանագիտական աղբյուրը:
«Մենք աջակցում ենք Ուկրաինայի և Ռուսաստանի միջև պատերազմը դադարեցնելու դիվանագիտական նախաձեռնություններին։ Մյուս կողմից, Bloomberg լրատվական գործակալության կողմից այսօր հրապարակված «Ուկրաինայի դաշնակիցները հենվում են Զելենսկու վրա՝ պատերազմը դադարեցնելու միջոց որոնելու համար» վերնագրով հոդվածի՝ Թուրքիային վերաբերող հատվածները չեն արտացոլում իրականությունը», - ասել է գործակալության զրուցակիցը։
Թուրքիայի նախագահ Ռեջեփ Թայիփ Էրդողանը պատրաստվում է Բրազիլիայում կայանալիք G20-ի գագաթնաժողովում ուկրաինական հակամարտության սառեցման առաջարկ ներկայացնել: Այս մասին հայտնել Էր Bloomberg գործակալությունը՝ հղում անելով իր աղբյուրներին: Գործակալության անանուն աղբյուրների համաձայն՝ Թուրքիայի նախագահը Կիևին կառաջարկի հետաձգել ՆԱՏՕ-ին անդամակցելու շուրջ բանակցությունները առնվազն 10 տարով՝ որպես «զիջում» Ռուսաստանին: ՌԴ նախագահի մամուլի քարտուղար Դմիտրի Պեսկովը ևս անդրադարձել է թեմային։
