«Ավելի շատ տարածքների կորուստ»․ Էրդողանը կներկայացնի իր առաջարկը․ ԶԼՄ
Թուրքիայի նախագահ Ռեջեփ Թայիփ Էրդողանը Ռիո դե Ժանեյրոյում G20-ի երկրների ղեկավարների հանդիպման ժամանակ մտադիր է առաջարկել Ուկրաինայում հակամարտության սառեցման իր ծրագիրը: Այս մասին հայտնում է Bloomberg գործակալությունը՝ հղում անելով իր աղբյուրներին։
«Նա պատրաստվում է ներկայացնել հակամարտության սառեցման իր առաջարկը ներկա պայմաններում, երբ 20-րդ խմբի առաջնորդները երկուշաբթի կհանդիպեն Ռիո դե Ժանեյրոյում»,-ասվում է հրատարակության հաղորդագրության մեջ:
Bloomberg-ի տվյալներով՝ Էրդողանը մտադիր է Ուկրաինայի առաջնորդ Վլադիմիր Զելենսկուն առաջարկել ՆԱՏՕ-ին անդամակցելու հարցի քննարկումը հետաձգել առնվազն 10 տարով՝ որպես զիջում Ռուսաստանին։
Բացի այդ, թուրք առաջարկը նախատեսում է Դոնբասում ապառազմականացված գոտու ստեղծում։ Էրդողանը, ինչպես սպասվում է, կառաջարկի այնտեղ միջազգային զորքեր տեղակայել որպես լրացուցիչ երաշխիք և Ուկրաինային տրամադրել Արևմտյան ռազմական մատակարարումներ՝ որպես փոխհատուցում ՆԱՏՕ-ից դուրս մնալու համաձայնության համար:
Թուրք պաշտոնյաներն ընդունում են, որ Ուկրաինայի համար դժվար կլինի նման առաջարկ ընդունել, սակայն կարծում են, որ դա ամենաիրատեսական մոտեցումն է:
Bloomberg գործակալությունը հայտնում է նաև, որ Ուկրաինան առաջիկա ամիսներին կարող է ավելի շատ տարածքներ կորցնել՝ նշելով, որ համապատասխան հետախուզական տվյալներ է ստացել Թուրքիայի նախագահ Ռեջեփ Թայիփ Էրդողանը։
«Ուկրաինան կարող է ավելի շատ տարածք կորցնել առաջիկա մի քանի ամիսների ընթացքում»,- ասվում է հաղորդագրության մեջ:
Նշվում է, որ հենց այդ պատճառով Էրդողանը հույս ունի, որ Ուկրաինայի առաջնորդ Վլադիմիր Զելենսկուն կհաջողվի համոզել խաղաղ բանակցությունների:
Bloomberg-ը գրում է, որ Էրդողանը տեսել է հետախուզական տվյալներ, որոնց համաձայն առաջիկա ամիսներին Ուկրաինային տարածքային կորուստներ են սպառնում:
