Սպանություն Երևանում. ՔՊ-ական պաշտոնյա է վնասվածք ստացել
Այսօր փողային հարցերի հետ կապված «ռազբորկա» և սպանություն է տեղի ունեցել Երևանի 17-րդ թաղամասում: Մահացածը Երևանի բնակիչ 42-ամյա Արթուր Մանուկյանն է, որը հրազենային վնասվածքով հիվանդանոց տեղափոխվելուց հետո մահացել է:
«Հրապարակ»-ի տեղեկություններով սպանության վայրում է եղել և այս թեմային մասնակից է նաև Փարաքարի ՔՊ-ական համայնքապետ Լյուդվիգ Գյուլնազարյանը: Վերջինս ոտքի հատվածում հրազենային վնասվածք է ստացել: Մեր տեղեկություններով՝ սպանության կասկածանքով որոնում են Լյուդվիգ Գյուլնազարյանի ընկերոջը:
ՆԳՆ-ից հաստատեցին սպանության փաստը, սակայն այլ մանրամասներ չնշեցին: Քննչական կոմիտեից հայտնեցին, որ նախաձեռնվել է քրեական վարույթ` սպանության և ապօրինի զենք զինամթերք կրելու հատկանիշներով։ Սպանության մասնակիցների շրջանակը պարզվում է:
