Դրա համար նրանք վճարել են սև երախտամոռությամբ․ Զախարովա
Գերմանիայի ներկայիս ղեկավարությունը, զենք մատակարարելով Ուկրաինային, Ռուսաստանին հատուցեց «սև երախտամոռությամբ»՝ երկրի արևելքն ու արևմուտքը միավորելու հարցում ցուցաբերած օգնության համար։ Այս մասին Sputnik-ի եթերում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Գերմանացիները պետք է իմանան, որ մեր երկիրը կողմ է եղել և նպաստել է իրենց ժողովրդի միավորմանը։ Դրա համար նրանք վճարել են սև երախտամոռությամբ, այժմ զենք մատակարարելով, որով սպանում են նրանց, ովքեր օգնեցին իրենց միավորվել, նպաստելով Ուկրաինայում նացիզմի, նեոնացիզմի և ֆաշիզմի աճին», - ասել է դիվանագետը:
Գերմանիայում այս տարի նշել են երկրի միավորման 34-րդ տարեդարձը՝ գերմանական միասնության օրը, որն ազգային տոն է և ոչ աշխատանքային օր։ 1990 թվականի հոկտեմբերի 3-ին նախկին Գերմանիայի Դեմոկրատական Հանրապետության (ԳԴՀ) հինգ նահանգներ՝ Բրանդենբուրգը, Մեքլենբուրգ-Պոմերանիան, Սաքսոնիան, Սաքսոնիա-Անհալտը և Թյուրինգիան մտան Գերմանիայի Դաշնային Հանրապետության կազմի մեջ։ Երկրի ղեկավարության մասնակցությամբ հիմնական տոնակատարություններն այս տարի տեղի են ունենում Մեկլենբուրգ-Պոմերանիայի վարչական կենտրոնում՝ Շվերինում։
