Սկանդալ Անգլիկան եկեղեցում. Հրաժարական է տվել Քենթերբերիի արքեպիսկոպոսը
Քենթերբերիի արքեպիսկոպոս Ջասթին Ուելբին հրաժարական է տվել։
Անգլիկան եկեղեցու հոգևոր առաջնորդը հրաժարական է տվել տղաների և երիտասարդների նկատմամբ սեռական ոտնձգությունների հետ կապված սկանդալից հետո: Նա մեղադրվում էր հանցագործությունները թաքցնելու մեջ։
Անգլիկան եկեղեցին երկար տարիներ ոստիկանությանը չէր տրամադրում տվյալներ սեռական բռնության դեպքերի մասին, հայտնում է Sky News-ը։
Քննիչների անկախ խումբը զեկույց է հրապարակել, ըստ որի` թագավորական փաստաբան Ջոն Սմայթը, լինելով քրիստոնեական կազմակերպության քարոզիչ, բռնության է ենթարկել ավելի քան 100 երեխաների և երիտասարդների Մեծ Բրիտանիայից և Աֆրիկայից։ Չի բացառվում, որ փաստաբանը կարող էր դատարանի առաջ կանգնել, եթե Ջասթին Ուելբին իր հանցագործությունների մասին հաղորդեր ոստիկանություն:
Ենթադրվում է, որ եկեղեցու պաշտոնյաները գիտեին այդ հանցագործությունների մասին, բայց թաքցնում էին Սմիթի համար: Նա մահացել է 2018 թվականին՝ Հեմփշիրի ոստիկանության կողմից հետաքննության ժամանակ։
«Ստանալով Նորին Մեծություն Թագավորի շնորհալի թույլտվությունը՝ ես որոշել եմ հրաժարական տալ։ Հուսով եմ, որ այս որոշումը պարզ է դարձնում, թե Անգլիայի եկեղեցին որքան լուրջ է վերաբերվում փոփոխությունների անհրաժեշտությանը և ավելի ապահով եկեղեցի ստեղծելու մեր խորին նվիրվածությանը: Ես սգով հեռանում եմ բռնության բոլոր զոհերի և վերապրողների հետ»,- ասել է Ուելբին:
:
