Լիբանանում փեյջերների պայթյունները կազմակերպվել էին Իսրայելի կողմից. Նեթանյահու

Իսրայելի վարչապետ Բենիամին Նեթանյահուն կառավարության նիստին հայտնել է, որ Լիբանանում փեյջերների պայթյունները կազմակերպվել էին հրեական պետության կողմից: Այս մասին գրում է Ateo Breaking–ը:

Նա նաև մեղադրել է պաշտպանության նախկին նախարար Յոավ Գալանտին՝ ասելով, որ վերջինս դեմ է եղել այդ գործողությանը:

Այսօր ավելի ավել Նեթանյահուն հայտնել էր, որ վերջին մի քանի օրվա ընթացքում երեք անգամ խոսել է ԱՄՆ նորընտիր նախագահ Դոնալդ Թրամփի հետ՝ նպատակ ունենալով ամրապնդել Իսրայելի և ԱՄՆ-ի միջև ամուր դաշինքը։

«Մենք համակարծիք ենք իրանական սպառնալիքի՝ իր բոլոր բաղադրիչներով և նրա ներկայացրած վտանգի գնահատման հարցում: Մենք նաև տեսնում ենք Իսրայելի առաջ բացվող հսկայական հնարավորությունները խաղաղության, դրա ընդլայնման, ինչպես նաև այլ ոլորտներում»,– ասել էր նա: