Իսրայելը հարվածում է Գազայում փախստականների ճամբարներին

Իսրայելական բանակը հարձակվում է Գազայի հատվածում գտնվող պաղեստինցի փախստականների ճամբարներին և հումանիտար գոտիներին։ Այս մասին հայտնում է քաթարական Al Jazeera հեռուստաալիքը։ 

Զինվորականները պայթեցնում են բնակելի շենքերը Ջաբալիա ճամբարի հյուսիսարեւելյան շրջաններում, որը գտնվում է Գազայի հյուսիսում։

Նշվում է, որ նման գործողությունների հետևանքով առնվազն 10 մարդ է զոհվել։

 Բանակի ստորաբաժանումները հարվածներ են հասցնում նաև հատվածի հարավում գտնվող հումանիտար գոտիներին։

Մասնավորապես, գրանցվել է Խան Յունիս քաղաքի մոտ գտնվող Էլ-Մավասի ճամբարի զանգվածային գնդակոծությունը։

 Բացի այդ, Գազա քաղաքում զինվորականները անօդաչու թռչող սարքով ռումբ են նետել դպրոցի շենքի վրա, որտեղ փախստականներ են գտնվել Շեյխ Ռադվան շրջանում, և կրակել կենտրոնական թաղամասերի բնակելի շենքերի վրա: Արդյունքում մի քանի մարդ վիրավորվել է։