Զենքի էմբարգո` Իսրայելի դեմ. Թուրքիան դիմել է ՄԱԿ-ին

Թուրքիան նամակ է հանձնել ՄԱԿ-ին՝ Իսրայելի դեմ զենքի էմբարգո սահմանելու կոչով։ Այս մասին գրում է «Անադոլու»-ն` հղում տալով Թուրքիայի ԱԳՆ դիվանագիտական ​​աղբյուրներին։

Նշվում է, որ փաստաթղթին աջակցել են ավելի քան 50 երկրներ և երկու միջազգային կազմակերպություն` Արաբական պետությունների լիգան և Իսլամական համագործակցության կազմակերպությունը:

Ավելի վաղ Թուրքիայի արտգործնախարար Հաքան Ֆիդանի առաջարկով ՄԱԿ-ում համատեղ կոչով նախաձեռնություն էր ներկայացվել՝ միջազգային հանրության ուշադրությունը Իսրայելին զենքի և զինամթերքի վաճառքը դադարեցնելու հարցի վրա գրավելու նպատակով։

Նախաձեռնության նպատակն է կանխել Իսրայելի կողմից միջազգային իրավունքի, ներառյալ միջազգային մարդասիրական իրավունքի և մարդու իրավունքների խախտումները Պաղեստինի օկուպացված տարածքներում, հատկապես Գազայի հատվածում՝ դադարեցնելով Իսրայելին զենքի և զինամթերքի վաճառքը: