Էրդողանը խոսել է «դարի ամենադաժան ցեղասպանություններից» մեկի մասին
Թուրքիայի նախագահ Ռեջեփ Թայիփ Էրդողանը մեղադրել Է Իսրայելին Գազայի հատվածում այս դարի ամենադաժան ցեղասպանություններից մեկը կատարելու մեջ: Նրա խոսքով՝ անցած տարվա հոկտեմբերից Իսրայելի ագրեսիվ գործողությունների հետևանքով զոհվել է մոտ 50 հազար մարդ:
«Մեր հարյուրամյակի ամենադաժան ցեղասպանություններից մեկը տեղի է ունենում Գազայի հատվածում», – հայտարարել Է Էրդողանը։
Էրդողանն ընդգծել է, որ Գազայի և Լիբանանի դեմ Իսրայելի ագրեսիային պատասխանելու համար անհրաժեշտ է Պաղեստինի ճանաչումը հնարավորինս մեծ թվով պետությունների կողմից: Նա նաև կոչ է արել իսլամական աշխարհին մի կողմ դնել տարաձայնությունները և աջակցել Պաղեստինի և Լիբանանի ժողովուրդներին իրենց պայքարում:
Թուրքիայի նախագահը հիշեցրել է, որ իր երկիրը դադարեցրել է առևտուրն Իսրայելի հետ և միացել ՄԱԿ-ի Միջազգային դատարանում Իսրայելի դեմ ՀԱՀ-ի հայցին: Թուրքիան նաև ճգնաժամի սկզբից ի վեր Եգիպտոսի տարածքով տարածաշրջան է ուղարկել ավելի քան 85 հազար տոննա հումանիտար օգնություն:
Թուրքիայի նախագահ Ռեջեփ Թայիփ Էրդողանը ՄԱԿ-ի Անվտանգության խորհրդին կոչ է արել զենքի էմբարգո սահմանել Իսրայելի դեմ: Էրդողանը ԱՄՆ-ին մեղադրել է Մերձավոր Արևելքում ահաբեկիչներին աջակցելու մեջ Նա նաև Իսրայելի ստեղծումը պաղեստինցիների համար աղետ է անվանել։
