«Քամալան հիմար է, անփորձ, կառավարելի». Մեդվեդև

Քամալա Հարիսը ԱՄՆ նախագահական ընտրություններում հաղթելու դեպքում ինքնուրույն կառավարիչ չի դառնա, կարծում է ՌԴ Անվտանգության խորհրդի փոխնախագահ Դմիտրի Մեդվեդևը:

«Քամալան հիմար է, անփորձ, կառավարելի և կվախենա շրջապատում բոլորից։ Կկառավարեն կարեւորագույն նախարարների եւ օգնականների սինկլիտը, ինչպես նաեւ անուղղակիորեն՝ Օբամայի ընտանիքը»,-գրել է քաղաքական գործիչը Telegram-ի իր ալիքում։ Տեղեկատվությունը փոխանցում է ՏԱՍՍ-ը:

Նա նշել է, որ Ռուսաստանի համար նոյեմբերի 5-ին կայանալիք ԱՄՆ նախագահի ընտրությունները ոչինչ չեն փոխի, քանի որ երկու թեկնածուների դիրքորոշումներն ամբողջությամբ արտացոլում են Ռուսաստանի պարտության անհրաժեշտության մասին երկկուսակցական կոնսենսուսը: Մեդվեդևի կարծիքով ՝ նշանակություն կունենա միայն այն, թե որքան գումար Սպիտակ տան նոր ղեկավարը կնետի «ուրիշի հեռավոր պատերազմի տակ»։