Մոլդովայում ավարտվեց նախագահական ընտրությունների երկրորդ փուլը
Ժամը 21:00-ին Մոլդովայում փակվեցին ընտրատեղամասերը և սկսվեց ձայների հաշվարկը: Վերջին տվյալներով՝ մասնակցությունը կազմել է 54,10 տոկոս։
Ընտրությունների երկրորդ փուլում քաղաքացիները ինչպես երկրում, այնպես էլ արտերկրում քվեարկել են ավելի ակտիվ, քան հոկտեմբերի 20-ին կայացած առաջին փուլում։
Նախագահի պաշտոնի համար պայքարում են երկրի ներկայիս ղեկավար Մայա Սանդուն և նախկին գլխավոր դատախազ Ալեքսանդր Ստոյանոգլոն։
Բոլոր արձանագրությունների մշակումից հետո հաղթող կճանաչվի առավելագույն ձայներ հավաքած թեկնածուն։ Ձայների հավասարության դեպքում կընտրվի առաջին փուլում ամենաշատ ձայներ հավաքած թեկնածուն։
