Խմելու ջուրը` տեխնիկական. ԵՄ պահանջը Ուկրաինային
Եթե Ուկրաինան օրենսդրության մեջ ամրագրի խմելու ջրի մասին եվրոպական ստանդարտները, ինչը պահանջվում է ԵՄ-ին անդամակցելու համար, ապա երկրում ողջ ջուրը կհամարվի տեխնիկական։ Այս մասին РБК-ի փոխանցմամբ` հայտնել է երկրի առողջապահության փոխնախարար Մարինա Սլոբոդնիչենկոն։
«ԵՄ-ն պահանջում է մեզնից օրենսդրություն սահմանել՝ խմելու ջրի որոշակի չափանիշներին համապատասխանությունը կարգավորելու համար: Եթե մենք հիմա սա գրանցենք, ինչպես ԵՄ-ն է ցանկանում, ապա դա անմիջապես կհանգեցնի նրան, որ ամբողջ երկիրը խմելու ջուր չի ունենա, այլ միայն տեխնիկական ջուր կլինի»,- ասել է պաշտոնյան։
Իր խոսքով` այս պարագայում սպառողները ջրի համար ավելի քիչ կվճարեն, ինչը կհանգեցնի բյուջեի եկամուտների կրճատման։
