Վրաստանի ժողովուրդը ցանկանում է նորմալ հարաբերություններ ունենալ Ռուսաստանի հետ. Մեդվեդև

Ընտրություններում իշխող «Վրացական երազանք» կուսակցության հաղթանակը վկայում է այն մասին, որ Վրաստանի ժողովուրդը ցանկանում է Ռուսաստանի հետ նորմալ տնտեսական հարաբերությունների զարգացում, ասել է ՌԴ Անվտանգության խորհրդի փոխնախագահ Դմիտրի Մեդվեդևը։


RT-ին տված հարցազրույցում Մեդվեդևն ասել է, որ ընտրություններում այս կուսակցության հաղթանակը նշանակում է, որ Վրաստանում ժողովուրդը պրագմատիկ է և չի ցանկանում 2008 թվականի դեպքերի կրկնություն։

Հոկտեմբերի 26-ին Վրաստանում տեղի են ունեցել խորհրդարանական ընտրություններ։ Կենտրոնական ընտրական հանձնաժողովի տվյալներով՝ իշխող «Վրացական երազանք» կուսակցությունը, որը հանդես է գալիս Ռուսաստանի հետ հարաբերությունների պահպանման և հակառուսական պատժամիջոցների դեմ, ստացել է ձայների 53,93%-ը։ 

«Նրանք ցանկանում է նորմալ տնտեսական հարաբերություններ զարգացնել Ռուսաստանի Դաշնության հետ»,- ասել է Մեդվեդևը։