Յոթ երկրներ դիմել են ՄԱԿ-ին՝ Հյուսիսային Կորեայի արձակած հրթիռների պատճառով
Մեծ Բրիտանիան, Մալթան, Սլովենիան, ԱՄՆ–ն, Ֆրանսիան, Հարավային Կորեան և Ճապոնիան դիմել են նոյեմբերի 4-ին ՄԱԿ-ի Անվտանգության խորհրդի նիստ անցկացնելու խնդրանքով՝ կապված ԿԺԴՀ–ի կողմից հրթիռի արձակման հետ։ Այս մասին ТАСС-ին հայտնել է համաշխարհային կազմակերպության աղբյուրը։
Այս թեմայով հանդիպում անցկացնելու որոշումը կկայացնի ՄԱԿ-ում Մեծ Բրիտանիայի մշտական ներկայացուցչությունը, որը նոյեմբերին կստանձնի Անվտանգության խորհրդի նախագահությունը։
Ավելի վաղ հայտնել էինք, որ ԿԺԴՀ-ն բալիստիկ հրթիռ է արձակել, որի թռիչքը ամենաերկարն է եղել բոլոր արձակումների ընթացքում և կազմել է գրեթե մեկուկես ժամ:
