Փոփոխություններ՝ Telegram–ում. Պավել Դուրովը մանրամասնել է
Telegram-ն առաջին քայլն է արել վիդեոհարթակ դառնալու ճանապարհին: Այս մասին գրել է սոցիալական կայքի հիմնադիր Պավել Դուրովը:
Ինչպես տեղեկացրել է Դուրովը, այսուհետ Telegram–ի օգտատերերին իրենց նախընտրած տեսանյութերը հասանելի կլինեն մի քանի որակներով: Նշվում է, որ Telegram–ի սերվերները տարածված տեսանյութերը կցուցադրեն որակի մի քանի տարբերակներով և դրանք կօպտիմիզացնեն հոսքի համար:
«Հարթակն ավտոմատ կերպով կընտրի ամենահարմար որակը՝ կախված օգտատիրոջ կապի արագությունից»,– գրել է Դուրովը:
Մինչև այս պահը ալիքների տեսանյութերը ցուցադրվում էին ճիշտ նույն ձևաչափով, որով ներբեռնվել էին:
