ՏԵՍԱՆՅՈՒԹ․ Ամեն ամիս նոր պարտք ենք վերցնում․ Վահե Հովհաննիսյան
Կառավարությունն ամեն ամիս նոր պարտք է վերցնում: Այս մասին, այսօր՝ հոկտեմբերի 28-ին, ԱԺ-ում լրագրողների հետ զրույցում նշեց ՀՀ ֆինանսների նախարար Վահե Հովհաննիսյանը։
«Պարտքը ուղղվում է կապիտալ ծախսերին, որովհետեւ դեֆիցիտն ավելի փոքր է, քան կապիտալ ծախսերի մեծությունը: Մասնավորապես, 2025-ին դեֆիցիտը կկազմի 5,5 տոկոս, իսկ կապիտալ ծախսերը՝ 6,6 տոկոս»,-ասաց նա:
Նախարարը համաձայնեց տեսակետին, որ պետությունը պարտք է վերցնում, որ պաշտպանության բյուջեն ավելացնի. «Բյուջեն կարող է ապահովել շատ-շատ բաներ, իսկ երբ մեզ պետք է անել ավելին, քան մեր հնարավորություններն են եկամուտ հավաքելու, ապա մենք պետք է ընտրություն կատարենք՝ կամ բարձրացնենք հարկերը, կամ նվազեցնենք ծախսերը: Մենք որոշում ենք կայացրել, որ 2025-ին որո ծախսեր կան, որոնք պետք է արվեն նաեւ դեֆիցիտի ավելացման հաշվին»,-ասաց նա:
