Սաակաշվիլին կոչ է անում բոյկոտել խորհրդարանի աշխատանքը և բողոքի ցույցեր անել

Վրաստանի նախկին նախագահ Միխեիլ Սաակաշվիլին կոչ է արել բոյկոտել խորհրդարանի աշխատանքը և բողոքի ցույցեր անել։ Այս մասին գրում է News.ru–ն:

«...Հիմա մեծ բողոքի ցույցերի ժամանակն է աշխարհին ցույց տալու, որ մենք պայքարում ենք ազատության համար, և որ մենք անարդարություննը չհանդուրժող ժողովուրդ ենք։ Շատ քիչ ժամանակ կա»,- գրել է Սաակաշվիլին սոցցանցերում։

Ընդդիմադիր կուսակցությունները, որոնք համաձայն չեն ընտրությունների արդյունքների հետ և «Վրացական երազանքին» մեղադրում են լայնածավալ կեղծիքների մեջ, հրաժարվում են պատգամավորական մանդատներից և պետական ​​ֆինանսավորումից։

Նախագահ Զուրաբիշվիլին նույնպես հրաժարվել է ճանաչել ընտրությունների արդյունքները։ Մեկ ժամից էլ նա իր առաջին հայտարարությունը կանի խորհրդարանական ընտրությունների արդյունքների վերաբերյալ։

Կառավարության շենքի մոտ հավաքվել է մոտ երկու տասնյակ մարդ՝ նրանք կանգնած են Միխեիլ Սաակաշվիլիի դիմանկարով և ծածանում են Եվրամիության, Ուկրաինայի և Վրաստանի դրոշները։ Նրանք նաև հակառուսական կարգախոսներ են վանկարկում և պահանջում Սաակաշվիլիի ազատությունը, տեղից հայտնում է AiF-ի հատուկ թղթակից Սերգեյ Լեոնովը։

2012 թվականին իշխանության կորստից հետո Վրաստանի նախկին նախագահի կուսակցությունն առաջին անգամ խորհրդարանական ընտրություններում զբաղեցրել է միայն երրորդ տեղը։

Բողոքի ակցիան ընթանում է հանգիստ՝ ոստիկանությունը դեռ ոչ ոքի բերման չի ենթարկել։