ՄԱԿ-ի ԱԽ–ն Իրանում Իսրայելի հարվածների վերաբերյալ նիստ կանցկացնի
ՄԱԿ-ի Անվտանգության խորհուրդը երկուշաբթի Երևանի ժամանակով ժամը 23:00-ին նիստ կանցկացնի՝ կապված Իրանին ուղղված Իսրայելի հարվածի հետ, հայտարարել է Կազմակերպությունում Շվեյցարիայի առաքելությունը:
«Երկուշաբթի՝ հոկտեմբերի 28-ին, ժամը 15.00-ին (Երևանի ժամանակով 23:00-ին)»,- լրագրողներին հայտնել են առաքելությունից:
Նաև նշվում է, որ նիստ անցկացնելու խնդրանքով դիմել է Իրանը, իսկ Ալժիրը, Չինաստանը և ՌԴ–ն աջակցել են դրա անցկացմանը:
Շաբաթ գիշեր Իսրայելի պաշտպանության բանակը հայտարարել է Իրանի ռազմական օբյեկտներին հարվածներ հասցնելու մասին՝ որպես պատասխան հոկտեմբերի 1-ին հրեական պետության վրա հարձակումներին: CBS News-ը, հղում անելով իր աղբյուրին, հայտնում է, որ Իրանի վրա Իսրայելի հարձակումը սահմանափակվել է ռազմական թիրախներով և չի տարածվել միջուկային կամ նավթային օբյեկտների վրա։
IRNA-ի հաղորդմամբ՝ Իրանի նավթարդյունաբերության օբյեկտներից ոչ մեկը չի տուժել:
