Պուտինը նոր մրցակից ունի
Ռուս ընդդիմադիր գործիչ Ալեքսեյ Նավալնիի կինը՝ Յուլիա Նավալնայան BBC-ին տված հարցազրույցում հայտարարել է, որ Ռուսաստան կվերադառնա որպես նախագահի թեկնածու։
«Իմ նպատակն է մոտեցնել և հնարավոր դարձնել փոփոխությունները երկրում։ Եթե ես վերադառնամ Ռուսաստան, ես կգնամ ընտրությունների՝ որպես նախագահի թեկնածու»,– ասել է նա։
Նավալնայան նշել է՝ «հրաշագործ չեմ և չգիտեմ գաղտնիքը», թե ինչպես անհապաղ փոփոխությունների հասնել Ռուսաստանում:
«Եթե չես կարող միանգամից ինչ-որ մեծ բան անել, ամեն օր մի փոքր բան արա, և որքան շատ մարդիկ դա անեն, այնքան շուտ կգա փոփոխության ժամանակը»,-ասել է Նավալնիի կինը։
Հիշեցնենք՝ այս տարվա փետրվարի 16-ին «Բևեռային բու» ուղղիչ գաղութում մահացել էր Ալեքսեյ Նավալնին։
