Ուկրաինան դիտարկում են միջուկային զինանոցի վերականգնման հնարավորությունը

Ուկրաինայի իշխանությունները լրջորեն դիտարկում են միջուկային զինանոցի վերականգնման հնարավորությունը: ԱՅս մասին, հղում անելով ուկրաինացի բարձրաստիճան պաշտոնյային, հայտնում է «Bild»-ը։ 

Նա նշել է, որ Ուկրաինան չի համակերպվի ՌԴ-ի դեպի Կիև երկրորդ հարձակման հետ և այդ դեպքում կվերականգնի միջուկային զինանոցը, որից երկիրը ինքնակամ հրաժարվել է 1990-ականներին։

«Մենք ունենք նյութեր, ունենք գիտելիքներ։ Եթե հրաման լինի, մեզ ընդամենը մի քանի շաբաթ կպահանջվի առաջին ռումբը ստանալու համար», - նախազգուշացրել է զենքի մատակարարմամբ զբաղվող պարբերականի զրուցակիցը։

Հիշեցնենք՝ այսօր Բրյուսելում Եվրախորհրդի նիստի շրջանակներում Ուկրաինայի նախագահ Վոլոդիմիր Զելենսկին հիշեցրել է, որ 1994 թվականի Բուդապեշտի հուշագրով՝ ՌԴ-ի, ԱՄՆ-ի և Մեծ Բրիտանիայի մասնակցությամբ, Ուկրաինային խոստացել են պաշտպանել տարածքային ամբողջականությունն ու ինքնիշխանությունը՝ միջուկային զենքից հրաժարվելու դիմաց, սակայն այժմ այդ փաստաթուղթը չի աշխատում, ուստի երկրի անվտանգությունը կարող է ապահովել կամ ՆԱՏՕ-ին անդամակցությունը, կամ միջուկային զենքը: