ՏԵՍԱՆՅՈՒԹ. Հարիսի նոր հարցազրույցից հետո Թրամփի շտաբում խորհուրդ են տվել վերադարձնել Ջո Բայդենին
ԱՄՆ փոխնախագահ, նախագահի դեմոկրատ թեկնածու Քամալա Հարիսը հարցազրույց է տվել Fox News հեռուստաալիքին, որի ժամանակ ներկայիս վարչակազմի խնդիրների պատասխանատվությունը տեղափոխել է Թրամփի ուսերին։
Երբ հաղորդավարը հարցրել է, թե ինչու են մարդիկ դժգոհ երկրի տնտեսական վիճակից, որը Հարիսն ու Բայդենը ղեկավարում են արդեն 3,5 տարի, փոխնախագահը փորձել է իրավիճակը շրջել իր հակառակորդի դեմ. «Եվ Դոնալդ Թրամփը այս ամբողջ ընթացքում քարոզարշավ է իրականացրել»:
Թրամփի նախընտրական շտաբն արդեն հասցրել է մեկնաբանել հարցազրույցը` այն անվանելով «աղետ»։
Հանրապետականները նշել են, որ Հարիսը չի կարողացել պատասխանել ոչ մի հարցի, իսկ փոխնախագահի թեկնածու Ջեյ Դի Վենսը Դեմոկրատական կուսակցությանը խորհուրդ է տվել Քամալա Հարիսին կրկին փոխարինել Բայդենով։
