ԱՄՆ նախագահի հանրապետական թեկնածու Դոնալդ Թրամփը հրաժարվել է իր սիրելի զբաղմունքից մինչև նախագահական ընտրությունների անցկացումը, NBC News-ին հայտնել են աղբյուրները։

 Նախկին նախագահը դադարել է գոլֆ խաղալ իր նկատմամբ երկրորդ մահափորձից հետո։

Ինչպես նշվում է հրապարակման մեջ, ամերիկյան գաղտնի ծառայությունը մտահոգություն ունի, որ չի կարողանա քաղաքական գործչի համար անվտանգության համապատասխան մակարդակ ապահովել, ուստի նա ստիպված է եղել հրաժարվել իր հոբբիից։

Թրամփի համար, որն ունի գոլֆի 18 անշարժ գույք, սա ահռելի փոփոխություն է։ Իր նախագահության ընթացքում ավելի քան 260 օր նա անցկացրել է գոլֆի դաշտում` մականը ձեռքին: