ՔԶԱԿ-ը մտահոգություն է հայտնել Իսրայելի կողմից սպիտակ ֆոսֆորի օգտագործման վերաբերյալ
Քիմիական զենքի արգելման կազմակերպությունը մտահոգություն է հայտնել Իսրայելի կողմից սպիտակ ֆոսֆորի օգտագործման կապակցությամբ:
Քիմիական զենքի արգելման կազմակերպության զարգացող երկրներից շատերը լուրջ անհանգստություն են հայտնել Իսրայելի կողմից սպիտակ ֆոսֆորի օգտագործման վերաբերյալ, այսօր լրագրողներին ասել է ՔԶԱԿ-ում Ռուսաստանի մշտական ներկայացուցիչ, Նիդեռլանդներում Ռուսաստանի դեսպան Վլադիմիր Տարաբրինը։
«Բազմաթիվ զարգացող երկրներ լուրջ մտահոգություն են հայտնել Մերձավոր Արևելքում տիրող իրավիճակի և Իսրայելի սպիտակ ֆոսֆորի օգտագործման վերաբերյալ, որը կարող է դասակարգվել արգելված նյութերի շարքին: Չնայած նրան, որ դա պաշտոնապես արգելված չէ և հանդիսանում է պատերազմում զենքի միջոց, մենք դրա հետ չենք կարող համաձայնել»,- նիստից հետո ասել է Տարաբրինը:
Իսրայելա-լիբանանյան սահմանին իրավիճակը սրվել է 2023 թվականի հոկտեմբերին Գազայի հատվածում իսրայելական ռազմական գործողությունների մեկնարկից հետո։ Իսրայելական բանակը և լիբանանյան «Հըզբոլլահի» զինվորները ամեն օր կրակում են միմյանց դիրքերի ուղղությամբ և սահմանի երկայնքով գտնվող շրջաններում։
