Թրամփն ասել է՝ երբ կարող է սկսվել 3-րդ համաշխարհային պատերազմը
ԱՄՆ նախագահի հանրապետական թեկնածու Դոնալդ Թրամփը Կալիֆորնիայում իր կողմնակիցների հետ հանրահավաքի ժամանակ հայտարարել է, որ երրորդ համաշխարհային պատերազմը կարող է սկսվել առաջիկա ամիսներին՝ ամերիկյան ներկայիս իշխանությունների գործողությունների պատճառով:
«Ես անհանգստանում եմ առաջիկա երեք-չորս ամիսների համար այն առումով, որ մենք համաշխարհային պատերազմի մեջ կհայտնվենք այն մարդկանց պատճառով, որոնք մենք ունենք կառավարությունում»,-ասել է նա:
Հանրապետականը նաև խոստացել է, որ վերընտրվելու դեպքում կկարողանա կարգավորել հակամարտությունները Ուկրաինայում և Մերձավոր Արևելքում:
