Պատրաստ եմ մեռնել Պուտինի հետ. Սթիվեն Սիգալ

Ամերիկյան մարտաֆիլմերի աստղ, այկիդոյի վարպետ, ՌԴ-ի և ԱՄՆ-ի միջև հումանիտար հարաբերությունների հարցերով ՌԴ ԱԳՆ-ի հատուկ ներկայացուցիչ Սթիվեն Սիգալը հայտնել է, որ Ուկրաինայում ՌԴ-ի սկսած հատուկ ռազմական գործողության սկզբում նամակ է գրել ՌԴ նախագահ Վլադիմիր Պուտինին, որում պատրաստակամություն է հայտնել մեռնել հանուն նրա և Ռուսաստանի։

«Ես Մերձավոր Արևելքում էի, մարդկանց արևելյան մարտարվեստներ էի սովորեցնում: Իմացա, որ հատուկ գործողություն է սկսվել (Ռուսաստանը Ուկրաինայում): Հաջորդ օրը ես նամակ գրեցի և համոզվեցի, որ այն, ամենայն հավանականությամբ, կհասնի նախագահին»,- ասել է Սիգալն իր «Հանուն արդարության» ֆիլմում։

Նա ընդգծել է, որ նամակում աջակցություն է հայտնել ՌԴ նախագահին և նշել, որ այժմ Ռուսաստանը կտեսնի, թե ովքեր են իրական հայրենասերները, բարեկամներ, ովքեր՝ թշնամիները։

«Ես կլինեմ իմ նախագահի կողմից, կպայքարեմ իմ նախագահի հետ և, եթե անհրաժեշտ լինի, կմեռնեմ իմ նախագահի հետ»,- մեջբերել է դերասանը Ռուսաստանի ղեկավարին ուղղված նամակում իր ասածը։

Դերասան Սթիվեն Սիգալը Ռուսաստանի քաղաքացիություն է ստացել 2016 թվականին, իսկ 2018 թվականին դարձել է ՌԴ ԱԳՆ հատուկ ներկայացուցիչ։